28 қазан күні Мемлекет басшысы Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы

ЕЛ БОЛАШАҒЫ – БІЛІМДІ ҰРПАҚ ҚОЛЫНДА!
Бүгін, 28 қазан күні Мемлекет басшысы Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы жарияланды.
Педагог ретінде Жолдауда көтерілген елдің болашағы, білім мен ғылымды дамыту, озық технологияларды енгізу және жас ұрпаққа сапалы білім беру мәселелерін ерекше маңызды деп санаймын. Өйткені білімді ұрпақ тәрбиелеу – ел ертеңіне салынған ең құнды инвестиция. Бүгінгі оқушы – ертеңгі ел тізгінін ұстайтын азамат. Сондықтан әр баланың бойына біліммен қатар адалдықты, еңбекқорлықты, жауапкершілікті, отансүйгіштікті қалыптастыру – біздің басты міндетіміз.
Ұстаздың еңбегі тек білім берумен шектелмейді. Біз жас ұрпақтың бойында ұлттық құндылықтарды дәріптеп, өз еліне қызмет ететін, бәсекеге қабілетті, саналы азамат қалыптастыруға үлес қосамыз.
Елдің ертеңі – бүгінгі тәрбиеде, болашақтың кілті – білімде!
Мемлекет басшысы айқындаған міндеттерді жүзеге асыруда білім беру саласының алар орны ерекше. Еліміздің жарқын болашағы жолындағы ортақ мақсатымыз – сапалы білім, саналы тәрбие және жауапты ұрпақ!