«Инклюзивті білім берудің заманауи парадигмасы» тақырыбында дөңгелек үстел өткізілді

Бүгін, яғни 26.01.2026 жылы мектебімізде ата-аналармен «Инклюзивті білім берудің заманауи парадигмасы» тақырыбында дөңгелек үстел өткізілді.

Іс-шараға ППҚҚ мүшелері қатысты. Олар өз тәжірибелерімен бөлісіп, инклюзив оқушыларды оқыту мен тәрбиелеудегі тиімді әдістерді көрсетті, сондай-ақ ата-аналарға психологиялық-педагогикалық сүйемелдеу және қолдаушы ортаны ұйымдастыру бойынша түсіндірме жұмыстарын жүргізді.

Дөңгелек үстел барысында инклюзив оқушының ерекшеліктері, психологиялық-педагогикалық сүйемелдеу, ата-ананың қолдауының маңызы туралы мәселелер талқыланды. Ата-аналар тарапынан сұрақтар қойылып, ұсыныстар мен пікірлер айтылды.

Аталған іс-шара ата-аналардың инклюзивті білім беру туралы түсінігін арттырып, өзара тәжірибе алмасуға мүмкіндік берді.